Хаанаас би уншлаа даа
Надаас чамд очсон мянга мянган үгс
Дуу болон эгшигэлсэн сэн
Хэзээд би чамайг надад хайртай гэж боддог
Тэр л цаг үед чи, хайртай байсан нь үнэн
Одоо цагийн чи надад хайргүй байж болноо
Би чамайг анхных шигээ л санаж явдаг
Энэ л надад хангалттай
Гуниг бичиж чадахгүй өнөөдөр
Анхны сэтгэлээ эргүүлэн бичмээр байв ч
Бас л зориг хүрэхгүй нь
Чамд би үргэлж өртэй
Залуу насыг чинь авсан
Бардам занг чинь авсан
Харин би чамд юу өглөө дөө
Үзэгний чинь үзүүр
Хүслийн чинь дэвүүр
Бодлын чинь хүлэг
Надад дэндүү ахадсан байсаан
Учир мэдэхгүй насны алдаа мэт бодогдовч
Анх би чамтай учирсан
Үүрд би чамтай учирсаар л явна
Учир нь хайр гэдэг номонд л байдаг ажгуу
Яг л зурсан зураг байгаа биз
Хагацах гэж л учирсан
Хайрлах гэж л муудсан
Санах л гэж салсан он жилүүд
Шүлэг минь би чамд анхлан дуралсаан
Хүлэг чинь явсан залуу насны аагаараа
Одоо би бахархаж хайрлаж суудаг
Өөр би юу хүсэх билээ дээ
Чамдаа ирэлгүй зөндөө уджээ
Чангаас чанга тэврээд
Тас хийсэн өвлийн үдэш
Тамхиа сороод дахиад нэг гуниглахсан
