Ашид мөнхийн дурсгалыг босголцлоо
Аль ч орны урчуудын бүтээгээ нь үгүй хөшөөг
Ард түмнийхээ зүрхэн тольтноо цогцлууллаа
Хүний ертөнцөөс хүн нэгээр дутаж
Хүндэтгэлийн ертөнцөд хөшөө нэгийг нэмж
Эрин үеийн их тэнэгүүдтэй хийсэн
Рэнцэнгийн Чойномын цусгүй дайн дууслаа
Хэнтий хан уулынхаа цэнгэлд шартам хормойд
Хэрлэн их мөрнийхөө цэцгийн гурван сард
Жир амьдарлаар амьдрах нүгэлт нэгэн иргэн би
Жинхэнэ шүлэгчийн туулах чанга замыг дагаж
Ядуу шүлэгчийн бууринаас яруу найрагч болох гэж
Ядрал зүдрэл хоёрыг нуруундаа үүрч явлаа
Ад үзэгдсэн гар бичмэлийг минь
Алтаар үнэлэх цаг заавал ирнэ ээ
Дуусаж амьдарч чадаагүй
Дуучин Чойном энд нойрссон гэж
Дурсах өдөр та нарт ирнэ ээ.
1979.04.20
Р.Чойном
No comments:
Post a Comment